Ուղեղի ճառագայթումը կապիկներին խելացի է դարձրել

Գիտնականներն ապացուցել են, որ կենդանիների մտավոր ունակությունների թեստերի արդյունքները հնարավոր է բարելավել օպտոգենետիկական մեթոդներով՝ անհրաժեշտ հատվածը լույսի միջոցով ատիվացնելով: Այս մասին գիտական հոդվածը տպագրվել է NewScientist ամսագրում:

Մակակ-ռեզուսներին սովորեցրել են համակարգչի էկրանին հետևել շարժվող կետերին: Կենդանիներից պահանջվել է հայացքը տանել այն կետի վրա, որն ավելի պայծառ է եղել մյուսներից: Այդ ընթացքում կենսաբանները հետևել են, թե ուղեղի որ հատվածն է պատասխանատու հանձնարարության կատարմանը: Դրա համար կիրառվել է մագնիսա-ռեզոնանսային տոմոգաֆ, որը ցույց է տվել նյարդային հյուսվածքի տարբեր հատվածներում բջիջների ակտիվությունը:

Երբ գիտնականները հայտնաբերել են սովորելու համար պատասխանատու ուղեղի հատվածը, նրանք կապիկներին ներարկել են վիրուս, որը պարունակում է լուսազգայուն իոնային ալիքով գեն: Լույսի ազդեցության տակ նման ալիքն ունակ է ակտիվացնել նեյրոնը: Եվ քանի որ վիրուսը գտնվել է ուղեղի անհրաժեշտ հատվածի բջիջներում, ապա լույսի միջոցով ընտրողաբար ակտիվացել են անհրաժեշտ նեյրոնները:

Հետազոտողները ևս մեկ անգամ կրկնել են թեստը: Պարզվել է, որ ուղեղի անհրաժեշտ հատվածի ճառագայթմամբ թեստի արդյունքները 1 տոկոսով բարելավվել են: Եվ որքան բարդ է հանձնարարությունը, այնքան մեծ է տոկոսային բարելավումը:

Հարցեր, պատասխաններ, մեկնաբանություններ